En “Tu labio superior”, Cristina Rosenvinge volve ás estructuras pop dos seus discos dos 90 “pero sen prescindir da complexidade e madurez da súa triloxía anterior”, formada polos álbumes “Frozen Pool”, “Foreing land” e “Continental 62”.

“Tu labio superior” é o primeiro disco da cantante interpretado íntegramente en español e, para moitos dos seus admiradores, é o mellor da súa carreira.

As entradas para asistir ao concerto de Cristina Rosenvinge en Ferrol están á venda na taquilla do teatro e en internet, na páxina web do Concello, ao prezo de 15, 12 e 6 euros, en función da localización das butacas escollidas.