“A subida vén motivada polos impostos do Goberno que Sogama ten que repercutir”, asegura o voceiro do PP. “Desde a Fegamp puideron facer algunha xestión, presionar ao Goberno para que retire eses impostos”, di Gumersindo Galego que tamén criticou a premura coa que foi convocado o Pleno municipal. Explicou ademais a oposición do PP á recente modificación da ordenanza da plusvalía. Defende o voceiro do grupo popular que debera bonificarse a totalidade dos inmobles que se deixan en herdanza á familia. “Non hai por que gravar, é inxusto”, opina.

Apoia reclamar a Xunta investimentos no IES de Fene. “Estivemos alí todos os voceiros e apreciamos in situ as necesidades que ten o centro, con máis de corenta anos tivo pouco investimento e necesita unha remodelación importante”, declarou Galego.