“Estoura un novo Big Bang en sete cidades galegas. Peta contra a pobreza, a crise financeira e o cambio climático”, baixo este lema A Cova da Terra, Amigos da Terra, Axuda en Acción, Intermón Oxfam, Panxea, Solidariedade Internacional de Galicia e Taller de Solidariedade, organizacións integrantes da Comisión de Comercio Xusto da Coordinadora Galega de ONGDs, celebran hoxe o Día Internacional do Comercio Xusto nas sete cidades galegas.

Ferrol sumouse a esta cita e mañá domingo, grazas ó traballo de Solidariedade Internacional e Axuda en Acción, poderemos mercar no Cantón de Molíns produtos de comercio xusto; tamén gozar de exposicións; dos talleres de reciclaxe, globoflexia e pintura de caras para nenos e nenas; de contacontos; e da degustación de  produtos de comercio xusto elaborados pola Escola Superior de Hostalería.