o acto de presentación ante os medios de comunicación, onde estivo acompañado polo director do programa ConCiencia, Jorge Mira, Attenborough alertou da existencia dunha crise da diversidade de especies naturais e animais en todo o mundo, e pese a sinalar que a historia da comunicación natural sempre estivo marcada por desastres, o científico británico incidiu en que o medio ambiente nunca estivera tan ameazado como na actualidade.
 
Asemade, o galardoado apostou polas enerxías renovables e indicou que o crecemento da poboación humana non debe expandirse sen límite, aínda que rexeita que os Estados deban controlar o dereito das persoas a ter fillos.

David Attenborough asistirá mañá ao acto de entrega deste III Premio Fonseca de divulgación científica, que se celebrará a las 20.00 horas no Auditorio de Galicia e onde impartirá unha conferencia sobre os “Paxaros do Paraíso”.