A esclerose múltiple é unha enfermidade inmunolóxica que afecta aos sistema nervioso. O propio corpo ataca ao organismo por causas aínda descoñecidas. Os seus síntomas varian dunha persoa a outra pero o máis frecuente é a fatiga crónica desencadeada cun mínimo esforzo. A esclerose afecta á estabilidade, á visión, á vexiga, ás extremidades e ao crebro. Un amplo espectro de síntomas que diminúe a calidade de vida dos e das que a padecen. Como sinalou esta mañá en Radiofusión a Presidenta da Asociación de Esclerose Múltiple de Vigo, Marina Román, as neuronas dispérsanse e ás veces custa coller o fío dunha conversación ou formular un pensamento.
A manifestación máis habitual da eslerose é o tipo remitente concurrente. Logo hai outra clase que se manifesta en brotes, que en casos non se volven a repetir. A terceira clase, a progresiva, comeza deteriorando lentamente, pasiño a pasiño ao enfermo ata chegar á unha gran dexeneración.
Desde a Sociedade Galega de Neuroloxía denuncíáse a deficiencia de atención destes doentes. Non existe unha unidade de esclerose múltiple nos hospitais. Solicitan un neurólogo especialista, unha unidade específica para atender a estes pacientes. Como sucedes con moitas enfermidades inmunolóxicas, son as grandes descoñecidas, complexas e de diagnose complicada. Os doentes dan tumbos por médicos e centros hospitalarios ata dar cunha resposta. Aínda así a sanidade non conta cunha área específica para o seu estudo, investigación e seguimento.
Na maioría dos casos queres pechar os ollos e non facer fronte á realidade. "Tes medo da diagnose". Este é o caso de Marina Román que non quería formar parte de ningunha asociación para non ver a máis persoas con eclerose múltiple e identificarse con eles. Agora, cualifica a experiencia de positiva” xa que ninguén te pode entender mellor que os que padecen o mesmo que ti”.
O sentimento de soedade, de impotencia, de incomprensión aterra nestas persoas. Román lanza unha mensaxe esperanzadora: “ non hai que ter medo á diagnose. Non se acaba o mundo. Hai que aprender a vivir con ela, tuteála como a unha amiga e tratala con agarimo."
