O socio de Besteiro na Deputación, o vicepresidente Antón Bao, do BNG, detallou que se reservará unha partida de máis de sete millóns para Cultura e Deporte co obxectivo de manter os compromisos co tecido asociativo da provincia de Lugo. Cómpre salientar que a institución apoiará a creación da Fundación Uxío Novoneyra que se instalará na casa do escritor do Courel. A cultura e o deporte, tamén son importantes porque axudan á cohesión social, salientou Bao.