“Teñen dereito ao amor”. María del Mar Novo, traballadora social do centro ocupacional de Aspaneps en Fene, explica que enmarcan o programa da Deputación da Coruña na información que dan ás persoas usuarias, que son adultas, sobre “prevención de abusos e o respecto de intimidade, son persoas que teñen dereito ao amor, a ter parella a formar unha familia e a gozar do seu corpo”. Tratase de apoiar a estas persoas que “teñen todo o dereito a ter unha afectividade, unha sexualidade como o resto das persoas, exactamente igual o mesmo dereito”. Creando e Sentindo consiste en catro obradoiros temáticos que a área de Igualdade da Deputación realizará en Fene, Boimorto, Cabana de Bergantiños, Ribeira e Rois. No centro de Aspaneps en Fene as sesións serán catro martes, a partir do día 23.