A SNMG-2 é unha agrupación marítima permanente da OTAN na que se integran unidades navais de diferentes países aliados. Desde o pasado mes de xuño até o próximo 1 de xullo de 2021 España ostenta o mando da agrupación, que recae no contraalmirante Manuel Aguirre, embarcado co seu Estado Maior a bordo da fragata "Cristóbal Colón". A función da agrupación é dotar á OTAN dunha capacidade de reacción operativa inmediata en escenarios navais. A Armada mantén a súa presenza nestas agrupacións navais desde hai máis de trinta anos.

Sobre a fragata Cristóbal Colón
A Cristóbal Colon é a quinta fragata da clase Álvaro de Bazán, unha serie de fragatas multipropósito con capacidade para todo tipo de escenarios. Durante a súa integración na SNMG-2, a F-105 achega a súa elevada capacidade de defensa e detección aérea grazas ao seu sistema de combate AEGIS e ao radar multifunción SPY-1D (V). A súa dotación estará composta por 220 homes e mulleres, entre os que se atopan un Equipo Operativo de Seguridade (de Infantaría de Mariña) e un helicóptero SH-60B. O comandante do buque é o capitán de fragata Juan Bautista Payá Martínez.