O adestrador do Cesantes, segundo explicaron dende a organización, abordou cunha zodiac unha das lanchas do xurado logo de que descalificaran ao equipo cadete masculino por levar un timonel feminino, algo que está prohibido polo regulamento. O altercado levou ao árbitro a suspender a proba.

A directiva do club de Cesantes considera que o adestrador desobedeceu ao delegado do club e que os feitos protagonizados polo técnico son o suficientemente graves como para relegalo do seu cargo.

Pola súa banda, o presidente do club de remo de Chapela, Fernando Collazo, calificou de “lamentable e bochornoso” o espectáculo vivido na tarde do sábado e asegurou que “este tipo de comportamentos causan graves prexuizos ao mundo do remo”.