“Finalmente as listas se van aprobar no seu momento pola asemblea e polos órganos do partido”, remarcou antes de explicar que “na última asemblea se me comentou de continuar, os compañeiros e compañeiras apoiaron esa decisión e eu me brindei a continuar un mandato máis, si”. “Manteño o meu compromiso de participar na vida pública”, dixo respecto das comicios do mes de maio. 2023 será ano electoral e os partidos xa traballan con ese obxectivo. “Teño clarísimo que a carreira para os comicios botou andar, a nivel estatal  e de Galicia estamos vendo todos os circos e os movementos que hai. En Fene estamos moito máis calmados, pero imaxino que todas as organizacións, a miña, o Bloque Nacionalista Galego, loxicamente tamén está traballando, pero a un nivel moito máis tranquilo do que se ve por aí adiante”.