“Ano novo, local novo, abrímolo o día 3 de xaneiro”, destaca. “Queremos crear un ambiente tranquilo e relaxado para poder estar charlando, un local acolledor, un ambiente distinto”. Para iso dispoñen dunha sala decorada con “ambiente vintage con distintos modelos de butacas, cadeiras, pufs e sofás” no que “encaixa todo tipo de público, queremos dar un trato agradable, bo produto e prezos razoables”. O establecemento conta con servizo de cafetería, pero non dá comidas. Iso si teñen prevista unha oferta innovadora no referido a petiscos “os domingos e festivos pretendemos poñer shushi e comida asiática como tapa”.  Abrirán “24 horas sete días á semana a partir de febreiro, para que todo o mundo poida usar o local, pode haber demanda e non hai oferta ningunha”. “Toda a xente que vén repite e din que lles encanta, a miña valoración de momento é positiva”.