Trala publicación oficial en agosto do paso a negativo de 34 prazas de profesorado no concello de Fene, os rumores de peche dos colexios de Os Casais, Limodre e Sillobre acentuáronse. O Consello escolar municipal reuníase o pasado mes cun representante da xunta de Galicia que, sen embargo, aseguraba que non tiña constancia de ningún proxecto de peche.

Isto deu lugar a que o propio Consello propuxese unha moción na que o Concello de Fene se posiciona en contra do peche de calquera centro que teña unha matrícula superior aos 5 alumnos e alumnas. A proposta foi apoiada por Esquerda Unida, polo Partido Socialista e polo BNG, pero o Partido Popular abstívose na votación por considerar que non existe motivo para a alarma e que a moción só busca o enfrontamento. O alcalde, o socialista Ivan Puentes, cre sen embargo que a Consellería si ten intención de pechar os centros aínda que agora diga o contrario, opinión que comparten os grupos do BNG e EU.

Os voceiros dos catro grupos pronunciaron as súas opinións con respecto ao tema.