Hai unha ligazón entre Miles Davis e Galicia. O son dun chifro do afiador e capador ourensán José María Rodríguez. En 1952 o etnomusicólogo estadounidense Alan Lomax gravou o son do chifro dun afiador e capador ourensán, José María Rodríguez, de San Miguel do Campo (Nogueira de Ramuín). Pasado o tempo Miles Davis reinterpretou ese son na trompeta no seu álbum Sketches of Spain. Agora Galicia festexa o nacemento de Miles Davis no X Festival Jazz e Ría, unha edición que comezará cadrando co eclipse de sol. Terá escenarios en Cedeira, Valdoviño, Narón e Neda. Unha viaxe musical que se prolongará do 12 ao 16 de agosto. A X edición de Jazz de Ría será a máis internacional da súa historia, cunha programación que reúne músicos procedentes de Cuba, Arxentina, Perú, Palestina, Irlanda e Estados Unidos.