Domingus Fradis: “Hai que dali un empurrión á fala”

Domingus Fradis: “Hai que dali un empurrión á fala”

01 de Xaneiro, 2008 - 12:00 h. | Publicada por Radio Mañega

"A fala de soidi anda ben, se fala pero non se escribi i entonces se corri o peligru de castelizala”  -afirma o poeta i etnógrafu Domingus Fradis, quen afirma sentirse satisfeitu “pola nova asociación creá pa potencial o xeitu de falal no val do Ellas”. “Hai que dali un empurrión i animalse a escribila”, conclúi

San Martín de Trebellu se erguei comu vila entre 1174 (mil centu setenta i cuatro)  i 1228 (mil dudentus vinti i oitu) nas inmediaciós do actual mosteiru de San Miguel, nun lugal denominau “O Tesu Galegu”. O cambiu de emprazamentu pó actual foi debíu en 1642 (mil seiscentus cuarenta i dois) a necesidais defensivas, despois da destrución do primeiru asentamentu por tropas portugues’as, afirma Xosé-Henrique Costas no sei libru “O valego”.En San Martín, comu nas Ellas i Valverdi du Fresnu (Cáciris), se usa a fala, declará Ben de Interés Cultural polo Decretu 45/2001 de 20 de marzu da Xiunta de Estremaúra. É un dos brotis vivus hasta agó da lingua galegu-portuguesa medieval.

Sociedade
  • 547 lecturas