Era un vizconde de Braga, ao que lle gustaban moito as mulleres. Facía alarde público das súas conquistas e toda a cidade aplaudía esta exhibición da masculinidade tóxica. No momento en que recibe unha homenaxe, convertese inesperadamente en galo. Para desfacer “o meigallo”, lévano en peregrinaxe a Santiago de Compostela. Pero o galo escapa e vai a diferentes galiñeiros en Meira, onde fai unha última travesura, creando unha raza de galiñas especialmente poñedoras. Ao ser apreixado, morre na Praza do Obradoiro, diante da catedral. 
Don Esmeraldino participa coa comparsa A Santa Compaña de Radio Fene e do laboratorio de creación artística Laudas Calamity. Acompañan ao galo, máis de 20 galiñas e 90 raposos e raposas. Un equipo dirixido por Lucía Vázquez, Luz Leyva e Rosa Navarro elaboraron desde hai varias semanas os completos disfraces de galiñas. Laudas Calamity encargouse dos raposos e Martha Ramirez preparou a coreografía. 

Fotografía Xan Xe