O Consello da Cultura Galega sumouse con esta actividade á conmemoración do Dia dos Medios en Galego, data sinalada pola Asociación de Medios en Galego en homenaxe á Valentín Lamas Carvajal e á súa publicación O Tío Marcos da Portela. En 2018 o Parlamento Galego referendou nunha declaración unánime esa celebración. Onte sábado, un roteiro lembrou a pegada de Lamas en Ourense partindo do cemiterio de San Francisco. Interviron o bisneto do escritor Manuel López-Ribadulla Lamas, a presidenta do Consello da Cultura Galega Rosario Álvarez, da Academia Galega María López Sández, o secretario xeral da Lingua Valentín Garcia e o historiador Afonso Vázquez-Monxardín. A xornada finalizou no Liceo cunha actuación da coral de Ruada e un xantar.