Dulce López Rivera iniciouse no mundo da escritura, gañando por 3 anos o certame de Relatos de verán, convocado por La Voz de Galicia. Participou no Obradoiro Literario organizado polo Concello de Fene e impartido por Eduardo Estevez, e publicou poemas nas revistas Dorna e Ferrolanálisis. No 2008 publicou o libro de poemas A sombra das queirugas, na Editorial Follas Novas. Na actualidade prepara un volume de relatos e outro de poemas. E profesora de Lingua Castelá no IES Terra de Trasancos en Narón.

As persoas interesadas en participar deberán enviar a Radiofusión (Casa do Concello. 15500 Fene A Coruña) ou ao correo electrónico direccion@radiofusion.eu unha declaración de amor, en prosa ou en verso e que non exceda dun folio mecanografiado a doble espazo. Tamén se admitirán cartas redactadas a mán, sempre que sexan intelixibeis. As cartas de amor enviaránse baixo plica e terán que estar en poder de Radiofusión antes do 11 de febreiro, inclusive. As declaracións deberán estar redactadas en lingua galega. A persoa que resulte gañadora recibirá unha cea romántica e o aloxamento dunha noite no Parador de Turismo de Ferrol.