Edgar Vigo: "Afrontamos esta proba con moita ilusión, xa que é a última da tempada e queremos tentar conseguir un bo posto. Vai ser un rally moi duro xa que probablemente neve e teremos que loitar con outros tres equipos polo quinto posto da Copa Suzuki. A pesar de que Fátima non está completamente recuperada do accidente de Llanes, quixo participar para pechar a tempada o mellor posible".

Fátima Ameneiro: "Aínda estou dolorida e convalecente do susto de Llanes. A pesar de que aínda teño dor quero competir e así loitar polo subcampionato de España de copiloto feminino xa que, de non facelo, perdería esa praza. Rebeca e mais eu estamos case empatadas e en Madrid decidirase todo. O mércores teño unha nova cita co traumatólogo que me dará as indicacións necesarias para poder correr."