Aprenderáselles ademais a traballar con fermento (lévedo nai) e a conservalo nas mellores condicións así como as virtudes nutritivas do pan biolóxico, procedente de cereais cultivados de maneira ecolóxica.

O obradoiro desenvolverase esta fin de semana e os días 14 e 15 de febreiro. O horario do curso é de 16:00 a 20:00 horas os sábados e de dez da mañá a sete da tarde os domingos. Impartirase na aula de cociña da Casa do Mar na Marisma e, no caso de que o tempo o permita, empregarase unha cociña solar elaborada cun parasol de automóbil.