Elegancia na derrota

Elegancia na derrota
25 de Outubro, 2022 - 02:39 h. | Publicada por Radio Fene

O Maniños encaixou unha goleada no Pote. Maniños 1-7 Unión Campestre. No primeiro partido da Liga que perde o Maniños. O adestrador, Juanjo Iñiguez, Cebolo, asume a responsabilidade do mal resultado. Froito dunha morea de desacertos. Elegante, Iñiguez non busca escusas. Felicita ás gañadoras e defende ás súas xogadoras. A meteoroloxía non foi boa pero forma parte do fútbol. As nenas estaban a tope e ilusionadas co partido. Había público, a xente está co equipo.

 

ESCOITA O PODCAST:

“Saín bastante desgustado. Tivemos unha morea de desacertos. O primeiro responsable son eu, polo formulación coa que traballamos toda a semana. O Unión Campestre compite moi ben, ten as cousas moi claras. As nosas xogadoras dérono todo, xogaron ben, pero cando o rival é superior hai que recoñecelo. Competimos todo o que puidemos e non queda máis que felicitar ao Unión Campestre pola vitoria”, explica o adestrador. “Esperemos que sexa un accidente”,  confía en “aprender dos erros” porque “somos novos na categoría e estamos aprendendo”. A pesar da derrota, o Maniños está de cuarto na táboa e agora ten dúas semanas por diante para recuperar a confianza. A seguinte xornada será na fin de semana do domingo 6 de novembro. Reciben ao Orillamar.

Fotografía: Xan Xe

Deportes

Publica o teu comentario agora