O seu pai loitou contra os caciques de Ares ata 1935, cando se colgou. Emigrara a Cuba con 14 anos e volveu con cartos.  A súa primeira exposición de pintura foi en Fene en 1986. Redes é un sitio privilexiado afirmaba Joaquin Rojo “Quinín” con motivo dunha mostra realizada en Ferrol en 1996. Cos seus cadros quería demostrar o seu amor a Galicia, segundo indicaba nunha entrevista en Radio Fene.
A Agrupación Instrutiva de Caamouco organiza para o fin de semana do sábado 12 e domingo 13 de abril as Xornadas “O legado de Quinin”. Abrirase unha mostra sobre o pintor e un obradoiro infantil. Tonecho Otero falará sobre Quinín no contexto das vangardas europeas, o sábado 12 ás sete da tarde na Tenencia, en Redes, Caamouco, Ares.