O Encontro Irmandiño na súa criación no ano 2006 defendía "a necesidade dunha rexeneración democrática, auténtica, profunda e efectiva do BNG, así como a súa decidida apertura á sociedade e á base simpatizante, orientada baixo os principios do asemblearismo, fraternidade, auténtico respecto á pluralidade interna e maior democracia participativa.

Na Asemblea desta tarde, interviron a favor da fundación dunha nova forza, os ex-concelleiros de A Coruña Henrique Tello e de Vigo Xabier Toba. Tamén estivo presente a ex-deputada Teresa Táboas. Ao acto de clausura asistiron os representantes de Máis Galiza, Carlos Aymerich e Xoan Báscuas, que foron recibidos cunha gran ovación.