Para ofrecer o enorme dividendo non se obteñen os cartos dos beneficios de Endesa, quen en 2013 foron de 2.900 millóns de euros. O reparto quintuplica esa cifra. O diñeiro procede da venda dos activos de Endesa en Chile e da apertura dunha liña de crédito de 1.000 millóns de euros e un préstamo de 4.500 millóns máis contratados cunha entidade domiciliada nos Países Baixos. Esta financeira, non por casualidade, é tamén propiedade de Enel. O endebedamento, que obrigará á obtención de novos ingresos para sufragalo, acabará repercutindo sobre o peto duns consumidores que xa ven periodicamente dispararse o recibo da electricidade.