Os funcionarios municipais decatáronse do suceso ás 8 desta mañá cando ian iniciar a súa xornada laboral. Deron aviso á Garda Civil e á Policia xudicial que precintaron o edificio, á espera da chegada de axentes especializados en pegadas dixitais, do cuartel de Noia.

O persoal do Concello indicou que as oficinas se atopaban todas revoltas cos caixóns e os papeis polo chán. Nunha primeira impresión, semella que faltaba das dependencias municipais, a recaudación dos postos da feira e máis 1 katana que fora requisada semanas atras pola policia local.