A Corporación de Fene renova o convenio do transporte metropolitano coa Xunta de Galicia. En virtude do acordo, as persoas de ata vinte anos inclusive terán a tarifa xente nova, pola que poden viaxar nos autobuses de balde. Daselle así continuidade ás accións de promoción do transporte colectivo. O goberno autónomo explicita a súa intención de favorecer e mellorar a experiencia. Aprobouse por unanimidade na sesión plenaria de carácter ordinario celebrada telematicamente na tarde de onte.

O Concello aprobou tamén co respaldo de todos os grupos un Manifesto arredor do 25 de novembro Dia contra a violencia de xénero. No texto instase a un cambio na lei para recoller a trata de mulleres como unha forma de violencia de xénero. Tamén se propugna máis medidas de integración socio-laboral das mulleres vítimas, a dotación de recursos suficientes aos Plans de Igualdade e o reforzo da atención aos menores implicados en situacións de violencia. O manifesto conclue indicando que erradicar a violencia machista é o primeiro paso para acadar a igualdade real entre homes e mulleres.

No turno de rogos e preguntas, o Partido Popular reclamou o inicio das podas das árbores situadas en vias urbanas, unha campaña de desratización.  A concelleira Rocío Bértoa preguntou polo procedemento de adquisición do camión de recollida do lixo. Se un camión que vale 200.000 euros e compra por 47.000, vaia ganga, indicou ironicamente.