Un total de 18 establecementos feneses participarán esta fin de semana no Outlet de Fene, unha iniciativa impulsada polo Concello para dinamizar o comercio local e fomentar as compras de proximidade. Durante os días 7, 8 e 9 de marzo, a veciñanza poderá gozar de descontos especiais en produtos de moda, calzado, complementos, deporte, xogos e moito máis.

Os comercios que se sumaron a esta nova edición do Outlet son: A Tenda Agasallos, Berline Boutique, Bualá, Calzados Locay, Cáprica Cómics y Juegos, DaMa Fene, El Baúl de Bego, Jomer, Kenia, Koralli Boutique, Lencería Loly Calvo, Lualé 114, Más Sport, Mayka Moda, Costuras Mercería e Lencería, ZSR Zapatería, Un Pedacito de Mí e Mi Pachu.

O evento desenvolverase nos seguintes horarios: venres e sábado, de 10:00 a 13:30 e de 17:00 a 20:00 h; e domingo de 11:00 a 13:30 h.

A concelleira de Promoción Económica e Turismo, Ángeles Coira, destacou que “o Outlet de Fene é unha ocasión perfecta para que os comercios locais dean saída ao seu stock e para que a veciñanza poida beneficiarse de importantes descontos sen saír de Fene”. Ademais, sinalou que este tipo de iniciativas “axudan a dar visibilidade ao comercio local, fortalecer a economía do municipio e fidelizar clientela”.

Imaxe: Irene de Berline Boutique no Outlet 2022.

Fotografía Xan Xe