“Hai unha organización ben engraxada”, afirma Manuel Polo. “Tiñamos unha planificación e un compromiso para dar un relevo tranquilo que garantir a estabilidade no Concello, a aposta feita foi atinada e agora toca activar ese proceso e conseguir a mellor candidatura para responder ás demandas da sociedade”.  

Vivenda e presupostos

Licitación do PXOM e merca de terreos son dous instrumentos cos que se pretende facilita a construción de vivenda en Fene. “O PXOM vai ser unha ferramenta importantísima para abrir chan que actualmente está parado”, apunta o primeiro tenente de alcaldesa. Nos Presupostos para este ano vai o compromiso da licitación do PXOM e tamén permitirá acometer un importante investimento en obras froito da contención do gasto que houbo que facer nos últimos exercicios. Entre fondos municipais e da Deputación, Polo calcula que serán “practicamente 2 millóns de euros en obra que se vai ver en todas as parroquias”.