"Estamos fartas de recibir odio por facer contido en galego" afirma a tiktoker @paulablackmakeuplover. Xunto con outra ducia de tiktokers publicaron un video animando a participar na manifestación do 17 de maio . Por un novo futuro para o galego. Ese é o lema co que se convoca un acto o vindeiro martes dia das Letras Galegas. A plataforma queremos galego insiste na necesidade de defender a nosa lingua. Algunhas das enmendas da Lei do Audiovisual que está a debater o Congreso dos Deputados, quere garantir a pluralidade lingüística pero só nalgunha das linguas cooficiais. Iso é inxusto porque Galicia foi pioneira na defensa das diferentes linguas diante de plataformas como Netflix ou Filmin, segundo o voceiro de Queremos Galego, Marcos Maceira.