Recen ascendido á Segunda División Galega, o Perlío feminino márcase o reto de afianzar a categoría. O Perlío é o único equipo que defenderá as cores de Fene na Liga feminina. O Maniños non contaba con suficientes xogadoras e chegou a un acordo co Racing de Ferrol ao que cedeu a categoría coa condición de que acollera ás xogadoras que o desexaran. 

Novidades

A competición será entre corenta equipos distribuídos en catro grupos. Disputarase por fases. A primeira rematará en febreiro. Os tres primeiros de cada grupo competirán na segunda polo ascenso, os tres últimos para evitar o descenso e o resto xogarán unha especie de liga de prata. 

Nos Pinares

Para comezar a tempada xogará o domingo nos Pinares contra o Brexo Lema, equipo de Cambre que xa é veterano na categoría.