“Semella que a estas eleccións concurren só o PSOE, PP e BNG e nós ofrecemos unha alternativa distinta, un xiro para o concello” manifestou Mari Carmen Martínez. A candidata fixo fincapé na atención aos veciños e veciñas de Fene, “sempre que vaiades ao concello seredes atendidos”, sinalou . O seu programa baséase, explicou, nun plan de austeridade onde se acometerán as prioridades da veciñanza como recollida de lixo, alumeado ou alcantarillado. 

Pilar Rodríguez, número dous da candidatura de EU, incidiu no eido da educación, na importancia da ensinanza pública e na dinamización do Consello Escolar Municipal. Pola súa banda, Eloy Gárate, terceiro na lista, avogou por que por primeira vez unha muller colla as rendas do concello.