EU de Fene podería apoiar os Orzamentos do 2010

EU de Fene podería apoiar os Orzamentos do 2010

15 de Febreiro, 2010 - 12:00 h. | Publicada por Radio Fene

Austeridade no gasto e investimento en servicios de primeira necesidade para os veciños. É a aposta de EU diante dos Orzamentos de Fene para o  2010. O voceiro do grupo municipald e EU, Manuel Sánchez, é proclive a apoiar que as contas se aproben.

EU apoiará con toda probabilidade os Orzamentos de fene do 2010 que están nun proceso de debate entre o grupo de goberno e os grupos da oposición. Serán os afiliados de EU os que decidan finalmente o respaldo ou non ás contas municipais  pero o portavoz do grupo municipal en Fene, Manuel Sánchez, manifestouse proclive a botar unha man, no espacio As Foxas de radiofusion.

Para o voceiro de EU, nos orzamentos deste ano de crise,  debe primar a conxelación de impostos, ainda que iso conleve menos ingresos. No capitulo de investimentos, estes deben dirixirse a cubrir as primeiras necesidades dos veciños, debe primar a contención do gasto corrente, ir saldando as débedas cos proveedores e vixiar que o endebedamento non se dispare.

Sociedade