Primeiro de todo “revisar que no contrato figuren correctamente os datos persoais do arrendador e a dirección do lugar que imos alugar”. Imprescindible tamén” comprobar o estado no que se atope o inmoble”. Facer fotos e mandarllas ao dono. Para evitar desgustos no futuro se os anteriores inquilinos causaron algún dano que despois nos queiran repercutir a nós. 

No contrato debe quedar perfectamente claro o importe da renda, se se vai actualizar, quen se fai cargo dos gastos de comunidade. E tamén hai que ter en conta a duración do contrato. Normalmente é de cinco anos, pero pode acordarse por menos ou máis tempo e renovarse automaticamente se ningún manifesta o contrario. Pasados seis meses despois de formalizar o contrario podemos deixar o alugueiro, pero hai que avisar un mes antes. Se queremos marchar antes de cumprir os seis meses podemos ter un problema.