“Votar a favor duns orzamentos que non son propios é complicado, no 2025 abstivémonos para que saían adiante, había un consenso para sacar adiante algúns proxectos”, comentou o voceiro socialista. Considera que a planificación dos Orzamentos municipais debera comezar con tempo, “en setembro ou outubro”. 

O que está en xogo

Joaquín Ayala afeoulle ao presidente da Xunta, Alfonso Rueda, que rexeitara o novo modelo de financiamento autonómico. Rexeita 587 millóns de euros cando el mesmo declarou hai pouco tempo, segundo unha noticia publicada na propia web da Xunta, que Galicia precisaba 500 millóns, critica o político socialista. Eses cartos poderían ir a financiar o Servizo de Axuda no Fogar, apunta o voceiro do PSOE. “Imos ser un pouco serios, porque aquí esta a calidade de vida dos galegos, non a túa nin do teu partido que che está mandando as directrices para rexeitar o financiamento do Estado”.

Está desaparecida

Critico coa Xunta tamén no referido ao funcionamento do transporte de viaxeiros por estrada e ao conflito laboral neste sector. “Onde está a Xunta? desaparecida, tiña que controlar o contrato”, destaca. Para Ayala, “o conflito está creado por falta de supervisión da Xunta, por non amarrar máis os contratos. Non nos parece xusto que as empresas vaian a unha licitación en precario a costa dos traballadores  e a Xunta propíciao”.