“Penso que fixemos todo o necesario para gañar o partido menos marcar un gol, que ao final é o que conta”, declarou a Radio Fene o adestrador do Perlío,  Carlos Carballo, “Vinky”. “Sabíamos que era un partido complicado. Elas reforzáronse ben, teñen bo equipo e xogábamos no seu campo”, explica. A primeira parte do encontro foi moi igualada, case sen ocasións de gol, pero na segunda cambiou a cousa. “O noso equipo saíu claramente a polo partido, tivemos a posesión do balón, con tres ou catro ocasións moi claras de marcar e fallamos un penalti”, dí o adestrador. “Moi contento co esforzo das rapazas e co traballo, pero penso que o xusto era traer a vitoria para a casa”, conclúe.

Na imaxe, Rosa Taboada

Fotografía Xan Xe