ACTUALIDADE
-
Novas
Novas sobre programas, emisoras,... Todo o mais actual e de interese nesta sección.
-
Radio á carta
Escoita online os podcasts dos teus programas favoritos de Radiofusion.
Praza Alcalde Ramón Souto s/n, 15500 Fene (A Coruña) Galicia - Tfno. 981 492 773 - noticias@radiofusion.eu
Facebook
Twitter
María López Sández publicaba este verán o seu primeiro libro de xénero fantástico, A noite da deusa. Trátase dunha novela onde unha comunidade feminina procedente do inframundo quere que chegue o día no que as mulleres camiñen ao lado dos homes mediante unha serie de obxectos máxicos que foron pasando de xeración en xeración con máximo secretismo.
A literatura xuvenil ofrece tamén posibilidades para os lectores adultos, que poden atopar novos significados. A formación lectora de María López Sández comezou, influenciada polo seu irmán, co xénero fantástico. "Hai un pouco de todas esas novelas iniciáticas na Noite da deusa pero tamén quixen cambiar o foco protagonista do heroe a unha perspectiva feminista, escribindo sobre unha heroina" apunta a escritora.
Aínda que considera que o xénero que mellor se lle da é o ensaio, non pode negar a súa predilección pola narración. É como escoller entre papá e mamá, comentaba entre risas María. Actualmente está a escribir un ensaio sobre o feminismo de Emilia Pardo Bazán xunto a Marilar Alexandre. Agarda que o libro xa se atope no mercado para comezos de 2021, coincidindo co aniversario da súa morte.
María sinalou a importancia dos clubes de lectura tanto no ámbito escolar como fóra do mesmo: "Enriquecen esta actividade que adoita ser individual”.
Falou do prexuízo e desprestixio que sofren as humanidades, provocado en moitas ocasións pola escasa oferta cultural que hai nos medios de ampla difusión. Afortunadamente, coa chegada de Internet abriuse un amplo abano onde a xente pode escoller máis libremente.
Comentarios
Moitas grazas Quique, Maite e
Publica o teu comentario agora