ACTUALIDADE
-
Novas
Novas sobre programas, emisoras,... Todo o mais actual e de interese nesta sección.
-
Radio á carta
Escoita online os podcasts dos teus programas favoritos de Radiofusion.
Praza Alcalde Ramón Souto s/n, 15500 Fene (A Coruña) Galicia - Tfno. 981 492 773 - noticias@radiofusion.eu
Facebook
Twitter
As medidas a adoptar por parte do goberno galego para paliar a crise do sector agrogandeiro foron acollidas con cautela por parte dos sindicatos agrarios. A reunión que se desenrolou onte en Santiago de Compostela deixou o compromiso do goberno autonómico de adiantar o pago único da UE, polo que as explotacións gandeiras cobrarán antes un diñeiro que xa estaba estipulado con anterioridade nas súas contas futuras. Así, os preto de 70 milló
Outros dos compromisos anunciados por Alberto Núñez Feijóo foron o de estudar, “nun breve prazo”, os préstamos subsidiarios para dotar de circulante ás explotacións a través do IGAPE, estudar liñas de axudas directas, así como manter unha serie de reunións con representantes das industrias e da distribución.
A valoración dos sindicatos agrarios de estas accións a adoptar pola Xunta foron ben acollidas, aínda que desde o Sindicato Galego Labrego (SLG) consideran que unha única medida “non é un plan”, e solicitan mais iniciativas para solucionar un problema grave para un sector clave para o mantemento do rural en Galicia. Esta organización agraria tamén instou ao presidente autonómico a adoptar as medidas precisas “con urxencia”, xa que, de non facelo, seguirán coas súas accións de protesta, como a tractorada programada para o 26 de maio.
O sindicato nacionalista tamén pediu ao presidente autonómico que defenda que “as explotacións perciban un prezo polo leite que cubra os custos de produción” nas súas reunións coas industrias e as distribuidoras, pois esta é unha “condición imprescindible para “saír da crise na que nos atopamos”. Por último, pediron unha maior implicación do executivo na elaboración dunha nova “estrutura que reconduza a política leiteira na UE”, porque é a “única garantía para rematar con esta situación de prezos insostíbeis e leite procedente doutros países”.
Pola súa banda, o secretario xeral de XX.AA., Francisco Bello, cualificou o encontro de “positivo”, polas iniciativas plantexadas a medio prazo por Feijóo para solucionar os problemas “de fondo”. Desde Unións Agrarias (UU.AA.), Roberto García indicou que a recuperación do prezo "non require fondos públicos", xa que pasa "inevitablemente" polo control das actuacións da industria e a distribución. Así, anunciou que UU.AA. presentará senllas denuncias ante o Tribunal de Defensa da Competencia contra os procedementos de distribución e industria, ademais de demandar a articulación dun plan estratéxico para o sector produtor en conxunto cunha "alianza" coa industria e os consumidores para "preservar" o mercado.