“O día 28 non hai eleccións xerais, son municipais. E estase a obviar o debate municipal, parece que so existen Ayuso, Feijóo e Sánchez” , lamenta Juventino Trigo, que ten que compatibilizar os preparativos da carreira electoral coa gobernanza do Concello de Fene. Para a elaboración do programa, no BNG pulsaron as opinións dos distintos colectivos sociais do municipio. Anuncian medidas para creación de “novos espazos públicos para o Concello que benefician aos cidadáns”. “Seguir reforzando os servizos públicos”. “Darlle unha solución ao Urbanismo en Fene”. Juventino Trigo tamén saca peito do traballo realizado “son feitos que están aí, non promesas”, destaca logo de pasar revista a algunhas das accións que ten en marcha o goberno do Concello de Fene.