Música, baile, gastronomía e tradición. Ofrece o cartel das Festas Patronais de Fene que organiza o Concello para os días 5 e 6 de agosto. Inchables para a poboación infantil abren a programación festiva o mércores, día 5, ás 19 horas. Galiza Show Machine levará a animación cos pasarrúas que comezarán ás 20 horas. E a partir das 22.20 a praza do Alcalde Souto acollerá a verbena na que actuará o Grupo Arizona. O xoves, día 6, xornada festiva, comezará a animación as rúas con Airiños de Fene, a partir das 11.30 horas E a música volve á praza do Alcalde Souto desde as 14 ata as 19 horas. Rayones e un DJ poñerán música á xornada festiva. E o atractivo gastronómico consistirá nunha degustación de petiscos de paella que dará comezo ás 15 horas.