Iso é o que aprobou por unanimidade o pleno municipal esta mañán. O proxecto de construcción da segunda galescola está feito e mesmo o concello ten reservado nos orzamentos deste ano unha partida para o desenvolvemento dese proxecto, para o que o concello debe aportar o 20% do presuposto e o Consorcio o 80% restante. A edil de Benestar agarda que o novo goberno da Xunta manteña os compromisos acadados polo anterior e o proxecto siga adiante tal e como estaba previsto.

O proxecto da segunda galescola de Fene contempla o derrubamento da vella escola porque, segundo a arquitecta encargada da redacción do proxecto, non reunía as condicións necesarias para o novo cometido e tampouco tiña valor patrimonial algún que obrigase á sua conservación. Executarase pois un novo inmoble para acoller ás crizanzas de 0 a 3 anos, adaptado ás suas necesidades.

Segundo o proxecto básico, redactado polo arquitecto Javier Ares en xullo do 2007, o investimento alcanzará os 430.000 euros. Nese documento contémplase unha edificación con baixo e unha planta e unha superficie útil construída total de 392 metros cadrados. O proxecto deseñouse para albergar unha escola infantil de 3 unidades con capacidade para 41 nenos e nenas. Esta nova galescola, xunto coa que se atopa en funcionamento en Perlío, faría posible cumplir a demanda que hoxe en día existe no concello. A nova dotación cubrirá as zonas de Barallobre, Maniños e Limodre.