Carmen Silvar anunciou que as actividades deportivas están pensadas para todas as idades, dende bebés aos 100 anos. Os cursos na piscina municipal estarán plenamente cubertos porque dende xuño hai reserva de prazas. A oferta achega ata 20 modalidades. Quedan algunhas prazas libres. O prazo para os residentes en Fene remata hoxe, e mañán poden inscribirse os demais. A natación para bebés e a natación terapéutica son das especialidades máis solicitadas.
Para os cursos de fatiga oncolóxica e Informática deben dirixirse ao Departamento de Cultura para inscribirse.  Ata o 24 de setembro no primeiro e do 1 ao 8 de outubro para os cursos de Alfabetización informática que se desenvolverán nos meses de outubro e novembro.