Ferrol acollerá o sábado a primeira Subida BTT - Mirador de Pedrouzo

Ferrol acollerá o sábado a primeira Subida BTT - Mirador de Pedrouzo

16 de Setembro, 2009 - 12:00 h. | Publicada por Radio Fene

A proba comezará ás catro do serán, con punto de partida no Centro BTT de Esmelle. Os participantes deberán percorrer os catro quilómetros que separan estas instalacións do mirador que dá nome á proba, xunto a Reciclaterra.

Nesta I Subida BTT "Mirador de Pedrouzo" poden participar tanto deportistas federados como sen licenza. O custe para os primeiros ascende a cinco euros mentres que os segundos deberán aboar trece. En calquera caso, a inscrición debe formalizarse a través da web do Club Ciclista Ferrol. 

O Concello e o Club Ciclista organizan esta actividade que está dirixida a rapaces e rapazas de 15 anos en diante, establecéndose os seguintes tramos de idade dentro da categoría cicloturista: de 15 a 18 anos -que cumpran os 15 no 2009-, de 19 a 33 anos, de 34 a 40 anos, e máis de 40. 

Os trofeos repartiranse entre os tres primeiros de cada categoría e entre o participante de maior e menor idade. A maiores, todas as persoas que participen na proba recibirán un agasallo.

Sociedade
  • 108 lecturas