Galicia e Ferrol en particular teñen un grande potencial pero hai que saber coidalo e vendelo. Diso trata este congreso que inaugura ás 12 no Jofre o Presidente da Xunta, Alberto Núñez Feijó. O presidente da deputación, Diego Calvo, declarou para as emisoras municipais, que se trata de aprender do que fan outros paises de Europa e aplicalo ao noso.

Ademáis da presentación de ponencias a cita leva aparelladas ata 21 actividades lúdicas que serán o escaparate da comarca diante de Europa. Visitas aos estaleiros, rutas de viños ou rutas de xardíns, exposicións como Gigantes en Exponav. De fora chega unha sobre o turiamo industral en Turín, a Cámara de comercio de San Joao de Madeira ou a cidade de Toulouse. As empresas punteiras da comarca tamén entran no programa: Inditex, Reganosa, Endesa ou Estrella Galicia.

Ás 13,30h os congresistas disfrutan dun xantar para reanudar o programa ás 15,00h. Esta tarde está prevista a intervención dun representante de Estrella Galicia, a visita ás Meninas de Canido e un paseo en lancha pola ría con cóctel no Castelo de San Felipe.