A acción levará por nome “Graffiti Dixital” e incluirá dúas actividades: a proxección sobre o edificio do pazo municipal de graffitis dixitais de temática científica e con mensaxes sobre a cidade de Ferrol e, por outro lado, a celebración dun obradoiro-workshop sobre programación informática para o que é preciso a inscrición previa -esta deberá formalizarse no Negociado de Cultura, ubicado no segundo andar do Concelo-.

A iniciativa acollerá proxeccións nas que se invitará á cidadanía a facer un percorrido pola historia da ciencia, por científicos como Newton, Einstein, Madam Curie ou Ramón y Cajal e os seus descubrimentos e teorías.