En canto ao material rodante, Renfe asegura que substituirá os actuais trens por outros máis modernos e de mellores prestacións antes do vindeiro mes de xuño. Tamén adianta unha reordenación total dos horarios do corredor atlántico ata Vigo. Redefinirán as paradas e facilitarán no posible a conexión de Ferrol co tren que vai a Santiago e Vigo. A compañía ferroviaria indica que na actualidade circulan entre Ferrol e A Coruña 66 trens á semana, en virtude do convenio asinado coa Xunta de Galicia en decembro do 2006.