“Suscítame emoción que haxa xente capaz de xogar a vida e a súa integridade física por un ideal colectivo, de solidariedade, de xustiza e de progreso social”, declarou a Radio Fene o, director da película “10 de marzo”, que concibe o seu documental como unha homenaxe aos protagonistas. Tamén aspira a que dea a coñecer a nosa historia ás novas xeración. “É un plus de emoción. Impresiona porque sabes que ten un significado especial para ese público”, asegura sobre a proxección da película en Ferrol. Este documental e o que gravou sobre a folga de setembro en Vigo forma “un díptico no que se fala dese ano tan importante en Galicia, que se sitúa na vangarda antifranquista”. Cagiao ten claro que os dous feitos teñen unha conexión evidente “en principio en torno ás organizacións que os promoveron”, pero tamén porque “cando se producen as mortes de Daniel e de Amador, hai unha chamada a Vigo, aos poucos minutos e os estaleiros páranse. Vigo estivo en folga una semana, en solidariedade con Ferrol. E os dirixentes déronse conta de que o movemento obreiro en Vigo estaba o suficientemente maduro como para facer unha folga. A conciencia da posibilidade de facer a folga en Vigo xorde debido á forza da solidariedade con Ferrol. Hai unha relación ata certo punto causal”, sinala