ITINERARIO DO ROTEIRO

O “Ferrol Rebelde” consta de tres etapas que repasan a historia do movemento obreiro ferrolá, que se divide en “articulación, desarticulación e rearticulación”.

A denominada “articulación” vai dende 1871 a 1936 e contempla fitos como a organización da Internacional e a publicación do xornal obreiro “El Trabajo”, a fundación da Agrupación ferrolá do Partido Socialista Obreiro que defendía a xornada de 8 horas cando nos estaleiros se traballaban “14 horas”, o primeiro concelleiro socialista de Galicia tamén ferrolán ou o Congreso obreiro internacional para deter a I Guerra Mundial.

Na “desarticulación”, de 1936 a 1945, abórdase o “exterminio do movemento obreiro” e o expolio dos seus bens, mentres que na terceira, de 1945 a 1975, a “rearticulación”, con feitos como a folga do aceite de Bazán, a primeira gran folga do Estado ou o dez de marzo e o asasinato de Moncho Reboiras.

Datas:

Poderáse realizar os días 6, 7 e 8 de decembro, aproveitando a ponte da Constitución, e no Nadal, do 21 ao 30 de decembro (os días 21, 22, 28, 29 e 30). Haberá un grupo de mañá ás 11:30 e outro á tarde ás 16:30 horas. Solicítase facer unha inscrición previa no teléfono 640 65 13 14.