ACTUALIDADE
-
Novas
Novas sobre programas, emisoras,... Todo o mais actual e de interese nesta sección.
-
Radio á carta
Escoita online os podcasts dos teus programas favoritos de Radiofusion.
Praza Alcalde Ramón Souto s/n, 15500 Fene (A Coruña) Galicia - Tfno. 981 492 773 - noticias@radiofusion.eu
Facebook
Twitter
Desde primeiras horas da mañá grupos de rapaces e rapazas achéganse á parroquia rural de Serantes. Nos arredores da ermida da Virxe do Nordés celébrase ao longo da xornada unha das máis populares romerías do ano en Ferrolterra. O luns de Pascua Ferrol vive a romería de Chamorro. O orballo caido a primeiras horas da mañá non desanimou aos numerosos visitantes.
Segundo a Policia municipal de Ferrol o número final de xente que se achegue ao longo do dia á ermida sí vai depender da evolución do tempo. Un autobús sobe á ermida cada media hora realizando o transporte a persoas de avanzada idade ou de movilidade reducida. Nesta xornada está prohibido o acceso de vehículos particulares á zona do monte, polo que os romeiros deben ascender ata o cumio polo seu pé. Para coller folgos reproducimos de seguido un poema adicado á virxe do Nordés polo segrel do Penedo Xosemaría Pérez Parallé:
Mar da salgada armuñía,
Mar celta de Breogán;
Illa Eirín na lonxanía,
Nas
Ondas
Brétema
Virxen,
Verde saga de Amairxen;
O vento nas furmas cía
A lenda de San Brandán.
Ai, mar por Deus benzoada,
Mar dos anxos mareantes,
Por
Onde
Fixo
Bogada,
O Cristo dos Navegantes.
Mar milleirada de velas,
Cucos
Rosas,
Caravés;
Gaivotas, peixes, cunchelas,
E nos chamorros candelas
Para a Virxen do Nordés.
Xosémaría Pérez Parallé. (Dorna romeira. Fene. 1985)