Con esta manifestación, a organización convocante quere demandar da Xunta de Galicia un maior compromiso coa Área Sanitaria de FErrolterra. A Plataforma reclama a adecuación dos orzamentos da consellería de Sanidade ás necesidades reais de contratación de persoal. Pide que se promova a plena utilización de todos os recursos sanitarios públicos e que se revisen os concertos establecidos cos Hospitais Privados e Concertados. Entre as revindicacións, salientan tamén a creación dun centro de referencia das enfermedades profesionais e o Mantemento do Plan de Mellora da Atención Primaria.

Para o Partido Popular de Fene, a mobilización da Plataforma en Defensa da Sanidade Pública de Ferrolterra non ten sentido. O voceiro do grupo municipal, Gumersindo Galego, nega que o goberno da Xunta de Galicia estea tentando privatizar a Sanidade Pública e cualifica a convocatoria de "tomadura de pelo".

Ás doce do mediodía, mañá domingo, a Plataforma en Defensa da Sanidade Pública de Ferrolterra convoca aos cidadáns a participar na mobilización que partirá do Ambulatorio Fontenla Maristany.