Unha Romaría da Árbore, prevista para o sábado 27 de xuño, recreará o ambiente que se vivía nas festas galegas hai cen anos. A idea de facer unha festa como as de antes partiu dunha fotografía da Festa da Árbore celebrada en Limodre no ano 1927. Teñen constancia gráfica do festexo e acordaron recrealo. Convidan á veciñanza a revivir eses tempos vestindo a roupa das festas que se usaba na época, cando se gardaban as mellores galas para poñer nas festas como explicou Nacho Martínez. 

A romaría terá lugar no parque da Hortiña, que estará debidamente engalanado para a ocasión. Tamén haberá musica tradicional, xantar, xogos, baile e fogos de artificio. 

Obradoiro e excursión

O presidente da AVV anunciou tamén actividades para esta fin de semana. Un obradoiro de chan pélvico que se celebrará o sábado. E unha excursión o domingo á provincia de Lugo, na que visitarán Mondoñedo e a praia das Catedrais.