Feira do libro, encontros con autores e presentación de novidades nas III Xornadas Literarias do Pote que se celebrarán este venres. A gañadora do Premio Xerais 2025, Abril Camino é unha das convidadas nesta edición das Xornadas Literarias do Pote. Tamén participarán os escritores Óscar Reboiras, Rober Cagiao, Rodrigo Costoya e Fran Alonso nun evento que festexa a cultura, a lectura e a creación literaria. 

A programación comezará coa apertura, ás 18 horas, da feira literaria nos arredores do Pote, con venda e sinatura de libros na que participarán autores e autoras de Ferrolterra e arredores. Feira organizada coa colaboración da Asociación Galega de Escritores e Escritoras (AGER) e de Imprenta Sanesteban. Para as 19 horas un coloquio sobre novela negra no que participarán Rober Cagiao e Óscar Reboiras. Despois será a presentación da novela “Mulleres que viven xuntas, de Abril Camino con María Nieto. Haberá tamén un faladoiro con Rodrigo Costoya e Fran Alonso.